பி.எஸ்.என்.எல்., 'பிராட்பேண்ட்' கட்டணம் உயர்வு

பி.எஸ்.என்.எல்., தரைவழி, 'பிராட்பேண்ட்' சேவை கட்டணம், 50 ரூபாய் உயர்த்தப்பட்டுள்ளது. அதே நேரத்தில், பயன்பாட்டு அளவும் அதிகரிக்கப்பட்டுள்ளது. இக்கட்டண உயர்வு, மே 1 முதல், அமலாகிறது. பொதுத்துறை தொலை தொடர்பு நிறுவனமான, பி.எஸ்.என்.எல்., வெளியிட்டுள்ள அறிக்கை: நகரங்களில் வீடுகளுக்கு வழங்கப்படும், தரைவழி பிராட்பேண்ட் கட்டணம், 950 ரூபாயில் இருந்து, 999 ரூபாயாகவும், கிராமப்புறங்களில், 500 ரூபாயில் இருந்து, 550 ரூபாயாகவும் உயர்த்தப்பட்டுள்ளது. அதே நேரத்தில் இதன் பயன்பாட்டு அளவு, 6 ஜி.பி., வரை அதிகரிக்கப்பட்டுள்ளது. இவ்வாறு, அந்த அறிக்கையில் கூறப்பட்டுள்ளது.